amalinks wokungena

Breaking News

Ikhomithi Ehlolisisa Ukuhlaselwa Kwedale leU.S. Congress Iqala Namuhla Ukuthonisa Udaba Lolu Emphakathini


FILE - Violent insurrectionists loyal to President Donald Trump stand outside the U.S. Capitol in Washington on Jan. 6, 2021. The public hearings of the House committee investigating the insurrection pose a challenge to Democrats seeking to maintain narro
FILE - Violent insurrectionists loyal to President Donald Trump stand outside the U.S. Capitol in Washington on Jan. 6, 2021. The public hearings of the House committee investigating the insurrection pose a challenge to Democrats seeking to maintain narro

Ikhomithi yedale leCongress yakwele Melika, ehlolisisa ukuhlaselwa kwendawo le ngoZibandlela ngomnyaka ka2021 kulungiselelwa ukubalwa kwama electoral votes, izaqala ukuthetha loludaba oluzakwethulelwa uzulu kumabonakude namuhla kusihlwa.

Abezindaba abeAssociated Press babika ukuba idale leCongress lizakwethula ubufakazi obujulileyo okuveza ukuba owayengumongameli, uMnu. Donald Trump, wazama ngamandla wonke ukuvimba ukuthi kubalwe amavoti la. Kuzavezwa ukuba uTrump wayefuna kugenqulwe impumela yokhetho lolu ahlale esikhundleni loba kwakusobala ukuthi unqotshwe nguMnu. Joseph Biden, osengumongameli wakwele Melika.

Ipholisa elatshaywa kabuhlungu ngabalandeli baka Trump eCapitol Hill lolungisa indaba ezijulileyo ezifakwa kumabonakude obizwa ngokuthi yi-documentary filmmaker, bazakwethula namuhla ubufakazi obugcweleyo. Kuzakwethulwa njalo obunye ubufakazi obuzakwethulwa ngababesebenza loTrump.

Ikhomithi le ihlolisisa udaba lolu ukwenzela ukuba kungenzakali okufanayo eminyakeni ezayo. Kodwa uTrump uthi konke lokhu kwenzelwa ukuba avinjwe ukuncintisa kukhetho lukamongameli.

UBiden wanqoba uTrump kukhetho olwenziwa ngomnyaka ka2020 ngokubuthelela ama-electoral votes edlula kancane amakhulu amathathu – 306. UTrump wathola angamakhulu amabili lamatshumi amathathu lambili – 232.

UMnu. Raphael Mthombeni, odabuka eZimbabwe ohlala eDallas Texas eMelika, uthi kuqondile okwenziwa yikhomithi le.

XS
SM
MD
LG