amalinks wokungena

Breaking News

Kubotshwe Abafundisi Labalwela Amalungelo Oluntu Abangu-34 Bekhulekela Ilizwe eHarare


ZIMBABWE-POLITICS-CHAMISA-CAMPAIGN

HARARE - Amapholisa eHarare ngoLwesihlanu abophe abantu abangamatshumi amathathu lane, 34, abagoqela abafundisi labenhlanganiso ezizimeleyo ababuthane emthandazweni wokusungula umkhankaso wokugqugquzela umbuso okhululekileyo owe‘The Zimbabwe We Want Campaign.’

Abantu laba bazalala bevalelwe esitokisini njalo bakhangelelwe ukumiswa enkantolo ngoMgqibelo besetheswa icala lokubuthana bengelamvumo yamapholisa, kwazise inhlanganiso yamagqwetha abamelayo, iZimbabwe Lawyers for Human Rights (ZLHR).

Linhlanganiso ithi uMfundisi Ancelimo Magaya laye ubebotshiwe kodwa uphange wakhululwa engetheswanga cala.

Yena uMagaya utshele iStudio 7 ukuthi bebezama ukubuthana ethempelini leDutch Reformed Church asetheleka amapholisa engasadlanga nkotshana.

UMfundisi Milson Ndlovu owebandla leBrethren-In-Christ Church, yena uthe lanxa abanye babo bebotshiwe, bazaqhubeka ngomkhankaso wabo wokuthi kube lombuso okhululekileyo eZimbabwe.

please wait

No media source currently available

0:00 0:03:05 0:00

Facebook Forum

XS
SM
MD
LG