amalinks wokungena

Breaking News

Inhlanganiso yeAmnesty International Ikhuza Uhulumende Ukuthi "Atshiyane Lomkhuba Wokuthumba Lokubulala Abantu"


Amnesty International

Ibandla leCitizens Coalition for Change lithi sebetholakele abesifazana abakade bethunjiwe izolo ngabacatshangelwa ukuthi ngabasekeli bebandla leZANU PF eBeatrice esililweni sika mufi uNkosazana Moreblessing Ali.

Lokhu kwenzakala inhlanganiso elwela ilungelo likazulu emhlabeni jikelele, eye Amnesty International isithi uhulumende kumele ehylukane lomkhuba wokuthumba lokubulala abantu.

Linhlanganiso ikhuthaze uhulumende ukuthi acwayisie ngeso lokhozi loludaba ukuze abenza isihluku sokubulala uAli batholakale basebejeziswa.

UNkosikazi Ali wanyamalala ngenyanga edluleyo, isidumbu sakhe satholakala emthonjeni ongasetshenziswayo ngoMgqibelo odluleyo sicuyiwe.

Kuqhamuke ingxabangxoza kuleyondawo lapho abacatshangelwa ukuthi ngabasekeli bebandla leZANU PF behlasele abantu abakade beze esililweni, baxotsha izihlobo zikamufi ngenhloso yokuphatha intambo zalumbuthano.

Izihlobo zikamufi zibonakale emifanekisweni ebulenjini zisewofisini yegqwetha eliphethe loludaba uMnu. Job Sikhala zisithi sezibalekile emzini wazo njalo zicatshile kulandela loludlakela.

Amapholisa athi ibandla leCCC seliphatha loludaba engathi ngelozombusazwe kukanti umufi wayexabane lowake waba yisoka lakhe okungaba nguye ololwazi ngokutshona kwakhe.

Ibandla leCCC lithi selithethe amanyathelo okuthi kungaqhamuki ingxabangxoza emkhulekweni eliqoqe ukuthi uqhubeke namuhla kukhunjulwa umufi.

Ilunga lalelibandla uNkosikazi Ellen Shiriyedenga uthi abesifazana laba bathunjwe bephathisa esililqeni ngokupheka langeminye imisebenzi.

please wait

No media source currently available

0:00 0:03:45 0:00

Facebook Forum

XS
SM
MD
LG