Inhlanganiso elwela ilungelo loluntu eye Tsoro-o-tso San Development Trust ithi ikhuthaza uhulumende ukuthi aphutshise inhlelo azisungulayo ezokuphathisa abantu bohlobo lwe San kumbe Tjwa, abatholakala eTsholotsho lePlumtree.
Inhlelo lezi zigoqela ukulotshwa kwengwalo ngolimi lwabo, lona olubikwa lungabhaleki lula ngoba lwehlukile kulokulotshwa kwezinye indimi.
Lokhu kwenzakala umongameli Emmerson Mnangagwa ekhangelelwe ukusungula ngokusemthethweni namuhla umhlangano we Language Conference eVictoria Falls, owokuthuthukisa indimi ezikhulunywa elizweni ngokusemthethweni.
Indimi lezi, ezilitshumi lesithupha, zibalisa isiChewa, Chibarwe, English, Kalanga, Khoisan, Nambya, Ndau, IsiNdebele, Shangani, Xhosa, Sign Language, Sesotho, Tonga, Tswana, Venda, lesiShona
Umqondisi we Tsoro-o-tso San Development Trust uMnu. Davy Ndlovu uchasisa okunengi ngasebekufezile.
