amalinks wokungena

Breaking News

Iqembu leHighlanders Lihlawuliswa iUS$6 000 Ngenxa Yodlame Olwaqhamuka Lidlala lele FC Platinum


Bajamelene lamapholisa abalandeli beqembu le Highlanders
Bajamelene lamapholisa abalandeli beqembu le Highlanders

Iqembu le highlanders litholakale lilecala lokubangela udlame emdalweni walo le FC Platinum owadlalelwa enkundleni ye Mandava ngenyanga kaMabasa.

Inhlanganiso ye Zimbabwe Castle Premier Soccer League ihlawulise iqembu le Highlanders isigwebo semali engamadola eMelika azinkulungwane eziyisithupha, $6 000 njalo iqembu le FC Platinum lapiwa imiklomelo emithathu.

Kolunye udaba, abaphatheke kungxoxo zokulungisa umdlalo wenguqu eziqhutshwe koBulawayo bathi kudingakala ubukhokheli obuqotho ukuze umdlalo lo ulunge.

Ekhuluma emhlanganweni oqhutshwelwe esikolo seMilton Junior unompembe osowathatha umhlalaphansi uThomas Khumalo uthi yena imbangela enkulu esiphazamise umdlalo wenguqu kweleZimbabwe yikuba ubukhokheli balumdlalo sebuthengwa ngemali.

“Mina into yami ebiqakathekile kakhulu yikukhokhelwa kwenhlanganiso yeZifa. Ukuthi nxa abantu bengena kuthiwa ngabakhokheli beZifa, bayabe bengobani njalo bevela ngaphi. Ngoba khathesi into ekhona yikuba imali isigijima phambili njalo yilapho engibona sesiphambanisa khona. Kumele imali siyitshiye, sikhethe abantu abaziyo, abaqondileyo, njalo abalothando. Abantu abangabuyi kuZifa ngoba befuna ukuthola okuthile,”kutsho uKhumalo.

Owake waba yisiphathamandla senhlanganiso yeZimbabwe Football Association kuhlangothi olwalukhangela abasakhulayo, uMkhululi Mthunzi, laye uthe ephawula phambi kwekhomithi eye Zimbabwe Football Restructuring Committee, wathi ukuqakathekisa imali yikho osekudale inkinga emdlalweni wenguqu kweleZimbabwe.

“Wonke umuntu osebholeni uyakwazi ukuthi lowu ngumdlalo odlalwa ngabantu abampofu. Akufanani labo khilikithi lani lani. Pho manje umdlalo onjalo nxa sekufakwa amaqubaquba emali ebantwini okumele bakhokhele – akulungisiswe,” kutsho uMthunzi.

Owake waba yisiphathamandla seqembu leHighlanders, uNhlanhla Bahlangene Dube, uthi yena kulendingeko ukuba inkokheli zomdlalo wenguqu zibe ngabantu abalolwazi olujulileyo ngalumdlalo.

XS
SM
MD
LG