amalinks wokungena

Breaking News

Amagqwetha Athi AboMnu. Job Sikhala lo Godfrey Sithole Abe CCC Bancitshwa Ukudla Estokisini


UMnu. Job Sikhala
UMnu. Job Sikhala

Amagqwetha amela amalunga edale lephalamende engawebandla le CCC, aboMnu. Job sikhala lo Godfrey Sithole athi ababili laba, abavalelwe esitokisini se Harare Central, besetheswa icala lokuphehla udlame, bancitshwe ukudla izolo njalo balelwa ukubonana labammeli babo.

Ababili laba bazamiswa emthethwanda namuhla besetheswe amacala okuthiwa bawadala eNyatsime esililweni selunga leCCC uNkosazana Moreblessing Ali.

Kwaqhamuka udlame esililweni lesi abebandla le Zanu PF befuna ukuxotshwa abe CCC, kwathunqa uthuli, kwatshiwa izindlu lamabhizimusi, kwalimala abanye.

Amapholisa athi kutshiswe indlu eyodwa kwadlilizwa ezingamatshumi amabili kudlakela lolu.

UAli wathunjwa kumaviki amathathu edluleyo watholakala efile isidumbu sakhe sijikelwe emgodini wamanzi ngomunye ake wathandana laye owebandla leZanu PF.

Abasekeli beCCC bathi abeZanu PF yibo abadale loludlakela kodwa abebandla elibusayo, eleZanu PF bona bagcona abeCCC besithi yibo abaqale loludlame.

Sixoxe lengcwethi kwezombusazwe uMnu Effie Dlela Ncube.

please wait

No media source currently available

0:00 0:02:46 0:00

XS
SM
MD
LG