amalinks wokungena

Breaking News

Uphenyo Lwe Afrobarometer Luveza Ukuba uMongameli Mnangagwa Engaqotshwa Kukhetho nguMnu. Nelson Chamisa


UMnu Nelson Chamisa loMongameli Emmerson Mnangagwa

Inhlanganiso ye Mass Public Opinion Insititute ithi uMongameli Emmerson Mnangagwa engqotshwa nguMnu. Nelson Chamisa nxa ukhetho lungenziwa kathesi. Linhlanganiso ithi uphenyo olwethulwe izolo, oluthiwa Afrobarometer, luveza ukuba uMnu. Chamisa engakholela uMongameli Mnangagwa ngesibanga esiyisilinganiso sokuthathu ekhulwini, three percent.

Loluphenyo luveza ukuba uChamisa engathola amavoti ayisilinganiso esingamatshumi amathathu lantathu 33 percent ekhulwini uMnangangwa athole okuyisilinganiso sokungamatshumi amathathu.

Ngomnyaka ka 2017 uphenyo lwe Afrobarometer lwaveza impumela eyayikhomba ukuba kungenziwa ukhetho ngaleso sikhathi uMnangangwa wayengathola amavoti ayisilinganiso sokungamatshumiphose amane ekhulwini, 38 percent kodwa lesi silinganiso sesehle sayafika ku 30 percent kuthi uchamisa wayethola amavoti angamatshumi alitshumi lasithupha, 16 percent.

Uphenyo lwe Afro Barometer lolu luhlala luveza iqiniso kusukela ngomnyaka ka 2009 lwaqalayo ukuphenya ukhetho lweZimbabwe.

Facebook Forum

XS
SM
MD
LG