amalinks wokungena

Breaking News

Sesibike Emapholiseni Udaba Lokuhlaselwa kukaMnu. Tendai Biti Lamanye Amalunga Ethu, Kutsho i-CCC


UMnu. Tendai Biti

Ibandla leCitizens Coalition for Change lithi selibike amapholiseni udaba elithi yikuhlaselwa kwesiphathamandla salelibandla uMnu. Tendai Biti izolo, lezinye iziphathamandla ze CCC ngabacatshangelwa ukuthi ngamalunga ebandla leZANU PF.

Ibandla leli lithi abantu laba baziphathe njengamapholisa ngokubeka i roadblock emgwaqweni eMashonaland Central andubana bakhanda imota yamalunga e-CCC ngamatshe.

Lokhu kulandela udlakela olwaqhamuka eBeatrice esilizweni sikamufi uNkosazana Moreblessing Ali lapho okwaba lokulwisana phakathi kwabasekeli bamabandla womabili.

Igqwetha elimela umdeni kamufi, njalo elilunga leCCC, uMnu. Job Sikhala wabotshwa lesinye isiphathamandla salelibandla uMnu. Godfrey Sithole besetheswa icala lokubangela udlakela, njalo balokhe bevalelwe esitokisini. Bakhangelelwe ukuqhubeka bedinga imvumo yokukhululwa ngemali yesibambiso eye bail mgoMvulo.

Ibandla leli kanye labanye abalwela ilungelo loluntu, lisola ukubotshwa kukaMnu. Obert Masaraure isiphathamandla senhlanganiso elwela amalungelo ababalisi eyeARTUZ owetheswa icala lokubulala umuntu. Ulokhe evalelwe esitokisini. Ibandla leZANU PF liyalandula ukuthi lilesandla luloludaba njalo amapholisa agcizelela ukuthi udaba lokubulawa kukaNkosazana Ali aluphathelananga lezombusazwe. Isikhulumeli seCCC uMnu. Gift Siziba uchasisa okunengi ngaloludaba.

please wait

No media source currently available

0:00 0:03:21 0:00

Facebook Forum

XS
SM
MD
LG