Abongi bathi bazakhalala umsebenzi ngoMvulo loba ukulumende esithi uzakhuphula iholo lezisebenzi zonke ngokuphindiweyo – 100% ngenyanga ezayo.
Umphathintambo kahulumende obona ngezisebenzi, uSikhwicamfundo Paul Mavhima, utshele iphephandaba leSunday Mail ukuba uhulumende uzakwenza lokhu ngesikhathi kuxoxiswana phakathi kwezisebenzi labamele uhulumende kuNational Joint Negotiating Committee. Izisebenzi zithi iholo seligugudekile ngenxa yokuwa kwesisindo sedola leZimbabwe. Sezifuna ukuba uhulumende eziholise idola leMelika.
UMnu. Anthony Majongosi, omele abongi koBulawayo, uthi bazakhalala umsebenzi kusasa uhulumende aze alungise iholo labo.
Izisebenzi zikahulumende zifuna ukuba ziholiswe imali edlula amakhulu amahlanu amadola US$540 ngenyanga.
Izisebenzi zazihola imali le eleZimbabwe lingakethuleli uzulu imali yomhlobo webond.