Idola leZimbabwe liqhubeka lisehla isisindo nxa liqathaniswa leleMelika emkambo wensitha kanye lasemkambo kahulumende oweForeign Exchange Auction.
Ngeviki edluleyo idola leMelika elilodwa belithengwa ngamadola akuleli angamakhulu amathathu alamatshumi phose amane, ZW$338, kodwa iReserve Bank of Zimbabwe (RBZ) yazise izolo ukuthi idole leMelika selithengwa ngamadola eZimbabwe angamakhulu amathathu alamatshumi amahlanu lambili, ZW$352.
Emakambo wensitha idola leMelika lithengwa ngamadola akuleli aphakathi kwangamakhulu amahlanu kusiya kumadola angamakhulu ayisikhombisa, ZW$500 le kuZW$700.
Sixoxe lesiphathamandla senhlanganiso emela abathengi, iNational Consumer Rights Association (NACORA) uMnu Effie Dlela Ncube.
