amalinks wokungena

Breaking News

Luyavutha Udaba Lokuthengwa Kwemota Zokucitsha Umlilo


Imota yokucitsha umlilo.

uMnu. Ndlovu uthe inani labahlali beZimbabwe abavakatshela endaweni zokuzithokozisa elizweni lalo liyakhuphuka ngenxa yenhlelo zikahulumende lezamankampani ezokuhuga abantu ukuthi bethekelele lezindawo.

Inhlanganiso yeBulawayo Progressive Residents Association, ithi ayivumelani lenyathelo likamphathintambo obona ngokwakhiwa kwezabelo uMnu July Moyo elokubamba amakhansili ngamandla ukuthi athenge izimota zokucitsha umlilo kweleBelarus ngoba uhulumende ethethe isinqumo lesi engakhulumisananga labomasipala.

UMoyo ubhalele amakhansili amadolobho ewazisa ukuthi kumele enze lokhu elandela isivumelwano esalotshelwana phakathi kukahulumende weZimbabwe loweBelarus.

Uthi imota eyodwa ibiza imali ephose ingene kungxenye yesigidi samadola eMelika, US$464,000 kodwa ukucwayisisa okwenziwe yi Studio Seven kuveze ukuba lezimota ziyatholakala ngamadola aphansi kwenkulungwani ezilikhulu, $100 000 ngayinye.

UMoyo uthi amakhansili kumele asebenzise imali ayiphiwa nguhulumende phansi kohlelo lwe-devolution.

Kodwa amakhansili athi kumele avunyelwe ukuzidingela izimota zomlilo ezibiza imali ephansi ngoba le ekhulunywa nguhulumende inengi kakhulu. Uzulu laye uthi okwenziwa nguhulumende lokhu ungani kulenkohlakalo phakathi.

Umasipala weHarare uthi uzaphikisa umlayo kaMoyo lo emthethwandaba. Sixoxe lesiphathamandla senhlanganiso yeBulawayo Progressive Residents Association uMnu Thembelani Dube.

please wait

No media source currently available

0:00 0:03:01 0:00

Facebook Forum

XS
SM
MD
LG