amalinks wokungena

Breaking News

Umanyano weCommonwealth Uhlafuna Imizamo Eyenziwa Ngele Zimbabwe Elifuna Ukubuyela Kunhlanganiso le


Umkhokheli wakwele Bhilithani, uMnu. Boris Johnson, lenkokheli yamazwe atshiyeneyo babukela umgido wabadabuka eKigali kwele Rwanda ngesikhathi kuqhutshwa umhlangano weCommonwealth Heads of Government Meeting.

Umanyano wamazwe angamatshumi amahlanu lane – 54 oweCommonweath uhlolisisa imizamo yelizwe leZimbabwe elifisa ukubuyela kunhlanganiso le kulandela ukususwa kwayo ngowayengumongeli umuyi uRobert Mugabe ngomnyaka ka2003.

Kukhangelelwe ukuba udaba lolu luzakhulunywa kabanzi ngempelaviki kungakagqitshwa umhlangano weCommonweath Heads of Government Meeting, owenzelwa eKigali kwele Rwanda.

Asenelisanga ukukhuluma ngodaba lolu loMnu. Frederick Shava, umphathintambo kahulumende obona ngokudlelana lamanye amazwe.

Umsekeli webandla leZanu PF, uMnu. Elifasi Mashaba, uthi kumele eleZimbabwe libuyele kumanyano lo.

UMnu. Ambrose Sibindi, okunhlanganiso yeBulawayo Progressive Residents Association, uthi uhulumende kaMongameli Emmerson Mnangagwa wehluleka njengokamuyi uRobert Mugabe ngoba awuhloniphi ilungelo loluntu.

Amazwe akumanyano lo yilawo awabuswa ngele Bhilithane engakabi lozibuse.

Facebook Forum

XS
SM
MD
LG