Abacatshangelwa ukuthi babulala uMnu. Langelihle Zonda Dube, owebandla le Citizens Coalition for Change bamiswe emthethwandaba ngoMvulo.
UBrian Moyo, oleminyaka yokuzalwa engu 22, uLucky Sibanda, ole 26 years lo Kevin Dube oleminyaka yokuzalwa engamatshumi amathathu, 30, betheswa icala lokugqekeza emuzini kamuyi uDube, balwisana laye andubana bamgamule ngenkemba basuka babaleka ngemva kokuntshontsha imali engamadola emelika angamatshumi amabili lanhlanu, US$25 lamafoni amabili mhlaka 8 kuyonale inyanga.
UBrian Moyo nguye owabanjwa ngamapholisa mhlaka 24, watholakala elefoni kamuyi, waseveza amagama abanye bakhe.
Abathathu laba labanye abasejele labanye njalo abalekayo betheswa amanye njalo amacala obugebengu ko Bulawayo.
Abalandeli bebandla le Citizens’ Coalition for Change babecabangela ukuthi uDube wabulawawela ezombusazwe ngoba wayelilunga elasebenza kakhulu ekubhaliseleni abantu ukuthi bayevota.
Kodwa amapholisa athi akulabufakazi bokuthi ukubulawa kuka dube kulezombusazwe.
Sibuze isikhulumeli sebandla le CCC koBulawayo, uMnu. Swithern Chirowodza ukuthi bona bathini ngokutshiwo ngamapholisa, nanku lobufakazi kuthiwa abukho?
