amalinks wokungena

Breaking News

UMnu. Obert Masaraure, Umkhokheli weARTUZ Uphiwa Imvumo Yokuhlaulwa iBail


Obert Masaraure, president of the Amalgamated Rural Teachers Union of Zimbabwe, was one of the teachers who briefly protested for a better salary, an effort quickly quashed, on Feb. 10, 2022, in Harare. (Columbus Mavhunga/VOA)
Obert Masaraure, president of the Amalgamated Rural Teachers Union of Zimbabwe, was one of the teachers who briefly protested for a better salary, an effort quickly quashed, on Feb. 10, 2022, in Harare. (Columbus Mavhunga/VOA)

Esethula lesi sinqumo uMahluli weHigh Court uthe kakula bufakazi obulethwe edale obukhomba ukuba uMasaraure angabaleka angaphiwa imvumo yokuthonisiswa evela ngekhaya.

Washington DC..............

Umthethwandaba waphezulu owe High Court wethule isinqumo sokuvumela umkhokheli wenhlanganiso yababalisi eye Amalgamated Rural Teachers Union of Zimbabwe, uMnu. Obert Masaraure, imvumo yokuhlawula isibambiso sebail.

U Mahluli Munamato Mutevedzi, utshele uMasaraure ukuthi azibike emapholiseni kanye ngeviki, atshiye ingwalo zakhe zokuhambisa emthethwandaba njalo ahlawule inkulungwane ezingamatshumi ayisithupha zamadola eyesibambiso.

Esethula lesi sinqumo uMutevedzi uthe kakula bufakazi obulethwe edale obukhomba ukuba uMasaraure angabaleka angaphiwa imvumo yokuthonisiswa evela ngekhaya.

Elinye lamagqwetha kaMasaraure umnumzana Doug Coltart, ugcizelele okukhulunywe ngumthethwandaba.

UMasaraure ubotshwe wavalelwa bemethesa icala lokubulala umnumzana Roy Issa, eJameson Hotel, e Harare ngomnyaka ka 2016. Kodwa uyalilandula leli cala esithi wayengekho lokuba khona kusehlakalo sokuwa kuka Issa eku 7th Floor ehoteleni le.

Kolunye udaba obe lusemthethwandaba NgolweSithathu, amalunga amabili edale lephalamende, awebandla leCitizens Coalition for Change, omnumzana Job Sikhala loGodfrey Sithole babikwa bezaqhubekela phambili bevalelwe, bemelele ukuhlaziywa kwesicelo sabo sokuthi bavunyelwe ukuthonisiswa bevela ngekhaya.

Lokhu kulandela isinqumo esithethwe yiHigh Court, sokuthi isafuna isikhathi sokuhlolisisa ingwalo ezichasisa ukwahlulelwa kodaba lwabo emthethwandaba kaMantshi. Okulapho okulenkinga khona ngoba amagqwetha ababili laba, awenhlanganiso eyeZimbabwe Lawyers for Human Rights, besithi akwaziwa ukuba ingwalo zokwahlulelwa kwaleli cala, kuMantshi zizatholakala nini.

USikhala loSithole betheswa icala lokutshotshozela abasekeli bebandla labo ele CCC ukuphatheka kudlakela olwenzakala eNyatsime, eChitungwiza, ngemva kokuthunjwa kukaNkosazana Moreblessing Ali owacina esetholakala esefile isidumbu sakhe siqunywe Phakathi sesiwonakala.

XS
SM
MD
LG