amalinks wokungena

Breaking News

Ahlawuliswa Imali Enengi Amalunga eMRP Okuthiwa Ephula Iziqondiso Zokuvikela Uzulu Kumkhuhlane weCOVID-19


Mthwakazi Republic Party demos

Umthethwandaba koBulawayo ngoLwesine ugwebe amalunga ebandla leMthwakazi Republic Party (MRP), atholakale elamacala okwephula iziqondiso zokuvikela uzulu kumkhuhlane weCOVID-19.

Umantshi uRachel Mukunga utshele amalunga la ukuba ephula umthetho ngokungena emphakathini edolobheni leli ngesikhathi uhulumende ezama ukuvikela uzulu kumkhuhlane weCOVID-19.

Bahlawuliswe inkulungwane ezingamatshumi amabili – ZWL$20,000 umuntu munye ngamunye.

UMqondisi Moyo, umkhokheli webandla leMRP, uthi ukugqwetshwa kwamalunga ebadla leli kuphambana lokwethulwa ngomunye umantshi eMasvingo, owakubeka sobala ukuba akumelanga umuntu avalelwe entilongweni kumbe anikwe isigwebo esethusayo engephula iziqondiso zokuvikela uzulu kubhubhane lweCOVID-19.

UMoyo uthi akumangalisi ukuba umthethwandaba wethule isigwebo lesi ngoba ibandla lakhe lizondwa okumangalisayo nguhulumende obusayo.

Facebook Forum

XS
SM
MD
LG