amalinks wokungena

Breaking News

Idale lePhalamende Yamazwe eAfrica Lisungule Umsebenzi Likhokhelwa nguCharumbira, Osanda Ukukhethwa


Induna uCharumbira

Ngokwakuqala ukuthi kukhethwe umuntu ovela kumhlubulo wezansi yemaNdebeleni ukuthi akhokhele lelidale selokhu labunjwa ngomnyaka ka 2004.

Idale lephalamende yamazwe awezwekazi leAfrica elepan African Parliament izolo iqhube umhlangano wayo wakuqala owokuqoqa inhlelo zayo, esigodlweni sayo kwele South Africa uholwa nguMnu. Fortune Charumbira owe Zimbabwe osanda ukukhethwa ukuba ngumkhokheli walelidale lanxa abanye bebesithi ngabe engakhethwanga ngoba elembali yokwephula imithetho eZimbabwe njalo esazakala ngokuthi lilunga lebandla le zanu pf yena eyinduna, okungahambelani lesisekelo sombuso welizwe.

UMnu. Charumbira usehlangane loMnu. Julius Malema, umkhokheli webandla eliphikisayo eSouth Africa eleEconomic Freedom Fighters elingelinye lalabo abakhankasela ukuthi athole lesi isikhundla.

UMalema umtshayele ihlombe uCharumbira.

Ngokwakuqala ukuthi kukhethwe umuntu ovela kumhlubulo wezansi yemaNdebeleni ukuthi akhokhele lelidale selokhu labunjwa ngomnyaka ka 2004.

Lelidale labunjelwa ukuhlaziya indubo ezibhekane lezwekazi le Africa.

Umkhokheli we EFF-Zimbabwe uMnu. Innocent ndibali uthi ibandla lakhe lakhankasa labanye balo abemazweni agoqela ele Namibia, Malawi, Zambia, Swaziland, Liberia, Lesotho, le South Africa ukuthi uMnu. Charumbira anqobe kukhetho lokudinga umkhokheli walelidale.

UMnu. Ndibali usole abachothoza uMnu. Charumbira esithi ukukhethwa kwakhe akuqondananga laye yedwa kodwa kunikeza isithunzi umanyano weSADC.

Uqhubeke wathi ukukhethwa kukaMnu. Charumbira kubonisa ukubambana kwamazwe eAfrica lokuhlonitshwa kokuqhubelana intambo zokukhokhela lelidale.

please wait

No media source currently available

0:00 0:04:03 0:00

Facebook Forum

XS
SM
MD
LG