amalinks wokungena

Breaking News

Mqondisi Moyo: Asimesabi uMnangagwa Othi Uzasisusela Amanqe


UMqondisi Moyo, umkhokheli webandla leMthwakazi Republic Party.

Ibandla leMthwakazi Republic Party (MRP) lithi akumangalisi ukuthukwa kwamalunga ebandla leli nguMongameli Emmerson Mnangagwa, osekhulume kanengi emphakathini esithi kuzasuselwa amanqe abafuna ukuba kuqunywe ilizwe leZimbabwe.

UMnangagwa uthi bonke abakhuluma ngokuqunywa kwelizwe ngamahlongandlebe lezikhohlakali. Kodwa uMnu. Mqondisi Moyo, umkhokheli webandla leMRP, uthi uMnangagwa wethuswa libandla leli.

UMoyo uthi okwenziwa nguMnangagwa kuveza ukuba uzonda aMaNdebele.

UMnu. Effort Dlela Ncube, olwela ilungelo loluntu, uthi kubi okwenziwa nguMnangagwa.

UNcube uthi amazwi kaMnangagwa awakhulunywa ngumuntu ophethe isikhundla sikamongameli.

Kodwa uMnu. Believe Gaule, ilunga lebandla leZanu PF, uthi uMnangagwa wethula amazwi aqakathekisa ukubambana eZimbabwe.

UMnangagwa ucatshangelwa ukuba waphatheka kumbhuqazwe weGukurahundi. Uyakuphika lokhu esithi owayebusa kusukela ngomnyaka ka1980 kusiyafika umnyaka ka1987 kwakungowayengomongameli umuyi uRobert Mugabe.

Facebook Forum

XS
SM
MD
LG