amalinks wokungena

Breaking News

Izigaba zeMaNdebeleni Yizo Ezilokhe Zisilela Ngenani Lasebebhalisele Ukuvota


Zimbabwe Electoral Commission

WASHINGTON DC - Abasebenza lozulu ezigabeni zeMatabeleland bathi baphatheke kabi ngokuthi izigaba lezi yizo ezilokhe zisilela ngenani labantu asebebhalisele ukuvota kukhetho lomnyaka ozayo.

Amanani ethulwe yeZimbabwe Electoral Commission (ZEC) izolo aveza ukuthi iMatabeleland South yiyo esemsileni ngabantu abedlula inkulungwane ezingamakhulu amabili, 267,000, ilandelwa lidolobho lakoBulawayo elilabantu abazinkulungwane ezingamakhulu phose amathathu, 270,000.

I-Matabeleland North ikuzinga lesithathu kusukela emsileni ngabantu abedlula inkulungwane ezingamakhulu amathathu, 340,000.

Idolobho leHarare yilo elihamba phambili ngabantu abafika phose isigidi, 952,000, lilandelwa yiMidlands, yona esibhalise abantu abedlula inkulungwane ezingamakhulu ayisikhombisa, 763,000.

Asebebhalisele ukuvota elizweni lonke jikelele sebeyizigidi phose eziyisithupha, 5,8 million.

Isakhamuzi sakoBulawayo njalo engusomabhizimusi uMnu Aleck Ndlovu utshele iStudio 7 ukuthi kumele iZEC ivule uhlelo njalo lwayo lokulanda abantu ezabelweni isiyababhalisa.

please wait

No media source currently available

0:00 0:02:04 0:00

Amazwi kaNdlovu agcizelelwe ngowake waba ngumeli weGwanda ephalamende uMnu Thandeko Zinti Mnkandla.

please wait

No media source currently available

0:00 0:02:36 0:00

AbeZEC bona bathi labo abalokhe befuna ukubhalisa kumele baye emahofisini abo endaweni ezitshiyeneyo zelizwe.

Facebook Forum

XS
SM
MD
LG