Umkhokheli webandla le Mthwakazi Republic Party, uMnu. Mqondisi Moyo uthi ulobufakazi bokuthi uMnu. Joshua Nkomo enkulumeni zokuxazulula udaba lweZimbabwe eNgilandi, ezithiwa ngama Lancaster House Talks ngomnyaka ka 1979, waphiwa ixesha lokukhetha ukubusa isiszwe sikaMthwakazi kodwa yena wala wathi ufuna ukubusa ilizwe le Zimbabwe lonke.
Kumaviki amathathu asanda kwedlula uMoyo waphehla ingxoxo mpikiswano, lapho aze atsehele umhlangano webandla lakhe ePlumtree, ukuthi ngokungavumi ukuthi abuse isigaba saMandebele uNkomo wathengisa isizwe.
Namuhla kuhlelo lwethu lapho esihlaziya khona imbali kaMnu. Joshua Nkomo lebandla le PF Zapu, silengxoxo loMoyo.
Siqale ngokumbuza ukuthi bufakazi bani alabo ukuze athi uNkomo wayephiwe ithuba lokubusa isizwe sikaMthwakazi?
Sizaqhubeka ngodaba lolu ngeviki ezayo lapho uMoyo azachasisa okunengi okokuthi uNkomo wayezakuba ngumkhokheli ongcono na kulo Mugabe?
Kusasa kuloluhlelo silendodana kamuyi, uSibangilizwe Nkomo. Thiyani indlebe.
