Imali etholwa yiZimbabwe ekuthengiseni impahla etshiyeneyo kwamanye amazwe, kumbe ama-exports, yehle ngesilinganiso sokulitshumi lambili ekhulwini, 12.6 percent isuka kuUS$587.3 million ngoNkwenkwezi yaya kuUS$513.1 million ngenyanga edluleyo.
Lokhu kwaziswe lugatsha lukahulumende olubona ngezamanani olweZimbabwe National Statistics Agency (ZimStats) izolo.
I-ZimStats ithi njalo imali esetshenziswa ukuthenga izinto ezitshiyeneyo kwamanye amazwe, ama-imports, ikhwele isuka kuUS$637.2 million yaya kuUS$714.5 million.
Sixoxe losomabhizimusi ongumsekeli kamholi wenhlanganiso yeBulawayo Vendors and Traders Association uMnu Aleck Ndlovu othi amanani la aveza sobala ukuthi umnotho usesimeni esibi.
