amalinks wokungena

Breaking News

Amapholisa Atshaywe Kakubi Ngabantu eHarare Ngemva Kokugxobisa Owesilisa Ngekhombi Wafa


Zimbabwe police

WASHINGTON DC - Kulamapholisa amabili alaliswe esibhedlela ngemva kokubhaxabulwa ngabantu makhaza eHarare ngoLwesihlanu bewethesa icala lokubangela ukufa kowesilisa ogxotshwe yikhombi.

Inkundla yeZimLive ibike ukuthi lokhu kwenzakalele kuHighglen Road lapho amapholisa azame khona ukumisa enye ikhombi ngenkani yasigxoba uMnu Trymore Chinyamakobvu wahle wafa.

Imifanekiso ethulwe yiZimLive itshengisa elinye lamapholisa lawa lisopha igazi, njalo womabili elaliswe duzane lomuntu othe daca phansi, okungaba yiso isidumbu sikaChinyamakobvu.

Isikhulumeli samapholisa uMnu Paul Nyathi ukufakazile ukufa kowesilisa lo, yena athe ubeleminyaka yokuzalwa engamatshumi amahlanu lane, 54.

Lanxa uNyathi engakhulumanga ngokutshaywa kwamapholisa lawa, uthe amise ikhombi le ngaphandle komthetho ebengaphiwanga lowomsebenzi. Ngokunjalo, uthe azajeziswa kakubi.

Edolobheni lakoBulawayo lakho kube lesehlakalo esifanayo lapho intathelizindaba yeStudio 7 ebike ukuba abantu batshaye ipholisa elihluthune enye ikhombi ngenkani layitshayelela ebhasini lizama ukuya layo enkambeni.

Facebook Forum

XS
SM
MD
LG