amalinks wokungena

Breaking News

UMasaraure Sebotshiwe Njalo Ngecala Lokuphehla Udlame Ngemva Kokwetheswa Elokubulala


Obert Masaraure, president of the Amalgamated Rural Teachers Union of Zimbabwe, was one of the teachers who briefly protested for a better salary, an effort quickly quashed, on Feb. 10, 2022, in Harare. (Columbus Mavhunga/VOA)

WASHINGTON DC - Umholi wenhlanganiso emela ababalisi bemaphandleni, iARTUZ, uMnu Obert Masaraure, ubotshiwe njalo ngoLwesihlanu ngemva kokukhululwa phezu kwelinye icala elehlukileyo kunsukwana ezedluleyo.

UMasaraure, yena obotshwe ngenyanga edluleyo esetheswa icala lokubulala wazokhululwa ngemali yesibambiso, i-bail, ubotshiwe njalo esethesea umlandu wokuphehla udlakela kanye lowokuzama ukuvimba ingalo yomthetho.

Abenhlanganiso yakhe bathi uvalelwe eHarare Central Police Station njalo ukhangelelwe ukumiswa emthethwandaba yiloba nini.

Ukubotshwa kukaMnu Masaraure kuza ngemva kokubotshwa njalo kukanobhala jikelele weARTUZ, uMnu Robson Chere, kuliviki laye esetheswa icala lokubulala.

Inhlanganiso yeARTUZ iyakusola kakhulu ukubotshwa kwababili laba isithi icala lokubulala abaletheswayo lake lacutshungula ngumthethwandaba wabafumana bemsulwa.

Ithi njalo ukubotshwa kukaChere loMasaraure yindlela nje kahulumende yokubahlukuluza phezu kohlelo lwabo lokuqoqa ukukhalala umsebenzi kwababalisi bekhala ngeholo eliphansi.

Facebook Forum

XS
SM
MD
LG