amalinks wokungena

Breaking News

EleZimbabwe Lingena Kumkhosi Wosuku Lokunanza Ukulwisana Lenkohlakalo


Africa map

EleZimbabwe limanyane lamanye amazwe awezwekazi leAfrica ngoMvulo ukunanza usuku lokulwisana lenkohlakalo, olwe Anti-Corruption Day.

Abekomishini ebona ngokulwisana lenkohlakalo elizweni, eye Zimbabwe Anti-Corruption Commission (ZACC) labo ngabanye babangene ubuthano owenzelwe eFrancistown kweleBotswana wokunanza leli langa.

Umsekeli kamphathintambo ehofisini kamongameli weleBotswana, uMnu. Dumezweni Mthinkulu, ekhuluma kulombuthano, uthe kuqakathekeli ukuthi amazwe abambane ekulwiseni inkonhlakalo.

Uthi usuku lweAfrica Anti-Corruption Day yisikhathi sokuthi kukhangelwe emuva kubonwe isibanga amazwe asesihambile ekulwiseni inkohlakalo.

“Inkohlakalo ibuyisela emuva ingqubela phambili. Intshontshela izulu ilungelo lakhe, njalo ikhweza inhlawulo yokuvula lokuqhuba amabhizimusi.”

UMthimkhulu uthi ohulumende kumele bebone ukuthi inhlanganiso ezilwisana lenkohlakalo kumele ziphiwe amandla agcweleyo, kungabi lokungenela ngabe zombusazwe.

Ilanga leAnti-Corruption Day libanjwe ngaphansi kwesihloko esithi ‘Strategies and Mechanism for the Transparent Management of Covid-19 Funds’.

Umqondisi wenhlanganiso elwisana lenkohlakalo kweleBotswana eye Directorate on Corruption and Economic Crime, uMnu. Tshepo Pilane, uthi ukuqhamuka kweCovid-19 kuvule wonke amasango enkohlakalo emazweni atshiyeneyo.

“Sesibone ukuqonga kwenkohlakalo okufana lokukhuphula intengo, ukungayenzi izinto mgceke kanye lokufaka esikhwameni kweyinye imphahla okumele ibe ngekazulu.”Umnunzana Charles Charuma okade emele inhlanganiso yeZimbabwe Anti-Corruption Commission, uthi kumele kuqiniswe indlela okulwiswa inkohlakalo ngayo, ikakhulu ngesikhathi seCovid-19.

“Kumele uzulu athole imbiko phezu kwenkohlakalo, kungela kungenela kwezombusazwe. Inhlanganiso ezifana leZACC kanye leDCEC zilomlandu wokukhweza imzamo yokulwisana lenkohlakalo.”

IZimbabwe ilobelane izivumelwano zokulwisa inkohlakalo lamazwe afana le Rwanda, South Africa, Botswana kanye le Namibia.

Kodwa abacubungula ezombusazwe abafana lomnunzana Zenzo Moyo, uthi lokhu kuzwakala kulinyathela elihle.

“Iphepheni, le yimzamo emihle kusitsho ukuthi amazwe azabambana ekulwiseni icorruption, enikana amaqinga njalo engavumeli ukuthi kugcinwe imali engatholwanga ngendlela engaqondanga emazweni alobelane isivumelwano.”

UMoyo kodwa uthi akulaqiniso ukuthi inhlanganiso yeZACC ilawo amandla okulwisana lenkohlakalo ngokuqinileyo.

“Ubunzima obukhona yikuthi iZACC lokhe yasungulwayo, asikaboni umsebenzi omkhulu owenziwa. Babopha abantu abaphansi, betshiya abantu abalezikhundla abaziwayo.”

Kuyindlela yokulwisana lenkohlakalo, inhlanganiso yeAfrica Union yabeka umhlaka 11 Ntulikazi njengosuku lweAnti-Corruption Day.

Ugwalo oluhluza isilinganiso senkohlakalo olwe Corruption Perception Index luthi inombolo zitshengisa ukuthi izwekazi leAfrica lilenani eliphezulu lenkohlakalo.

Kukantu ugwalo lweGlobal Corruption Barometer lukhomba ukuthi phakathi kwabantu abane eAfrica, abadlula oyedwa bathola usizo emahofisini kahulumende ngokufumbathisa.

Facebook Forum

XS
SM
MD
LG