Osomabhizimusi bathi sokulukhuni ukuqhuba umsebenzi wabo bethole inzuzo, kulandela isixwayiso sikahulumende esokuthi bazathathelwa imvumo yokusebenza bengathengisa impahla zabo ngedola leMelika kuphela.
Uhulumende uthi impahla kufanele zithengiswe ngemihlobo ehlukeneyo yemali esetshenziswa elizweni, egoqela idola yeZimbabwe.
Ukuhlaziya loludaba, uSithandekile Mhlanga weStudio 7 uxoxe loMnu. Ambrose Sibindi, umgcinisihlalo wenhlanganiso yeZCTU kugatsha olungentshonalanga yelizwe, njalo eyisiphathamandla senhlanganiso ye Bulawayo Progressive Residents Association.