Ibandla leCitizens Coalition for Change (CCC) lithi selikhulumisana lenhlanganiso yeSouthern African Development Community (SADC) kanye leAfrican Union ngodlakela olwezombusazwe olwenzakala eZimbabwe lokunye.
Ibandla leli lithi kukhanya lumemetheka udlakela lolu kulandela ukuhlaselwa kwamalunga alo eMutoko izolo ngabacatshangelwa ukuba ngabebandla leZanu PF.
UMnu. Gift Ostallos Siziba, umsekeli wesikhulumeli sebandla leCCC, uthi inhlanganiso lezi kumele zikhuthaze ilizwe leZimbabwe ukuba lilandele zonke iziqondiso zokuqhuba ukhetho kuzwekezi leAfrica, ikakhulu kuSADC.
Uthi kunengi kakhulu okumele kwenziwe kungakaqhutshwa ukhetho ngomnyaka ozayo ukuze kube lokhetho olubalulekileyo.
UMnu. Chris Mutsvangwa, isikhulumeli sebandla leZanu PF, uthi labo abathi bahlutshwa libandla elibusayo kumele bebamangalele emapholiseni.
UMnu. Joseph Tshuma webandla leZanu PF uthi udlakela alulunganga.
UTshuma uthi bonke abaphehla udlakela kumele bebotshwe.