Ugatsha lwamanzi olwe ZINWA, lubika ukuba ilizwe liphakathi kokwakha amadamu alitshumi lambili amanye azalethela uzulu inguquko efana lokuthelelezela, ukugola inhlanzi lamandla kagetsi.
Amadamu la, abalisa ele Gwayi Tshangane Dam lamanye, abikwa ezakhiwa ngamankampani awama china.
Inhlanganiso elwela ilungelo likazulu, eye Matabeleland Human Rights Institute ithi lanxa kuyinto enhle udubo yikuthi abazasuswa endaweni okwakhiwa khona amadamu abatshelwa ukuthi bazancediswa njani njalo uhulumende kaphumeli egcekeni ukuthi abe China laba bazaphiwani ngemva kokwakha amadamu la okungenza ilizwe licine lisezandleni zama China.
Sixoxe lesiphathamandla senhlanganiso le, uMnu. Khumbulani Maphosa.