amalinks wokungena

Breaking News

Inani Labantu beZimbabwe Selikhwelile Lafika Kuzigidi Ezilitshumi Lanhlanu, 15 Million


Zimbabwe Census

Lokhu kwaziswe lugatsha lweZimbabwe National Statistics Agency (ZimStats) ngoLwesibili ngesikhathi lusethula impumela yokubalwa kwabantu okwenziwe kunyanga ezisanda kwedlula, i-national population census.

WASHINGTON DC - Inani labantu beZimbabwe likhwele lisuka phezu kancane kwezigidi ezilitshumi lantathu, 13,061,239 ngomnyaka ka2012 lafika ku15,178,979 lonyaka.

Lokhu kwaziswe lugatsha lweZimbabwe National Statistics Agency (ZimStats) ngoLwesibili ngesikhathi lusethula impumela yokubalwa kwabantu okwenziwe kunyanga ezisanda kwedlula, i-national population census.

I-ZimStats ithi lokhu kutsho ukuba inani labantu elizweni likhwele ngokulitshumi lasithupha ekhulwini, 16, 2 percent, phakathi kweminyaka elitshumi edluleyo.

Amanani la aveza ukuthi abesifazana yibo abalokhe bebanengi ukwedlula abesilisa ngoba bayizigidi phose eziyisitshiyangalombili, 7,8 million kuthi abesilisa bona bayizigidi eziyisikhombisa, 7,2 million.

Limpumela iveza njalo ukuthi idolobho leHarare yilo elilabantu abanengi abayi-2,4 million, lilandelwa yiManicaland, yona elabantu abangu 2 million.

Idolobho lakoBulawayo yilo elilabantu abalutshwana elizweni lonke; abangu 665,940 lilandelwa yiMatabeleland South elabantu abangu 760, 345.

I-Matabeleland North yona ihlezi kuzinga lesithathu kusukela emsileni ngabantu abangu-827,626.

Ingcwethi kwezombusazwe uMnu Effie Dlela Ncube utshele iStudio 7 ukuthi ukungakhuli kuhle kwenani labantu eZimbabwe kungaba lomthelela omubi kwezenotho ngokuya kwesikhathi .

please wait

No media source currently available

0:00 0:03:22 0:00

Facebook Forum

XS
SM
MD
LG