amalinks wokungena

Breaking News

Ugatsha LweZimstat Luchasisa Ukuthi Ngani Kule Ward Yabesilisa Bodwa eMatobo


Zimstat held a roadshow for the awareness of the census, currently underway.

Abanye bebesithi lawa ngamanga aveza ukuthi impumela yonke yokubalwa kwabantu ilesandla semfene.

Ugatsha lukahulumende olubona ngezamanani olweZimbabwe National Statistics Agency (ZimStats) solwethule ingcalelo phezu kodaba olusegudwini olwamanani eCensus aveza ukuba kuWard 20 eMatobo kuhlala abesilisa kuphela njalo akula ngitsho loyedwa owesifazana.

Abantu abanengi basele bekhuza umhlola kuliviki kulandela ukwethulwa kwempumela yeCensus enziwe yilolugatsha kunyanga ezimbalwa ezedluleyo eveza ukuthi ewadini le, kusemzini wezinsuzwa kuphela.

Abanye bebesithi lawa ngamanga aveza ukuthi impumela yonke yokubalwa kwabantu ilesandla semfene.

Kodwa kungcazelo eyiphe izolo, iZimStats ithe isizatho yikuthi uWard 20 kusemapulazini lapho abafuyi abavela kwezinye indawo abalagisa khona izifuyo zabo.

Ithi abesilisa abahlala kulindawo bangamatshumi ayisitshiyangalombili lanhlanu, 85 njalo kabagxilanga kulindawo. KuCensus ka2012, iZimStats ithi kuliward kwakuhlala abesilisa abangamatshumi phose amahlanu, 49, labesifazana abalitshumi lanhlanu kuphela, 15.

UNtungamili Nkomo weStudio 7 uxoxe loMfundisi Angliston Sibanda, ohlala eMatobo, yena othi ngempela leliliqiniso.

Kodwa uthi kungaba kuhle nxa kungavela ukuthi bangaki abantu abavote kukhetho olwedluleyo kuliWard.

please wait

No media source currently available

0:00 0:03:16 0:00

Facebook Forum

XS
SM
MD
LG