Inengi lithi impilo ilokhe isiba lukhuni ngamandla ngenxa yentengo yempahla ekhuphuka kokuphela ezitolo, njalo ezinye zalezimpahla zithengiswa ngedola leMelika. UMnu. Austin Nkomazana, okhokhela ugatsha olubona ngezamabhizimusi kunhlanganiso yeBulawayo Progressive Residents Association, usichasisela okunengi ngaloludaba.
Kusenjalo, umphathintambo kahulumende obona ngenhlelo zemali uMnu. Mthuli Ncube ubesemhlanganweni labosomabhizimusi ngoLwesine lapho achasise khona ukuthi uhulumende wenza yonke imizamo yokuthuthukisa umnotho welizwe.