Linkuthazo yethulwe yiziphathmandla zalelibandla uMnu Ian Makone loNkosazana Fadzayi Mahere izolo emhlanganweni abawenze lentathelizindaba. Ababili laba bathi njalo ikhomishini ebona ngezokhetho, iZimbabwe Electoral Commission (ZEC) kumele ivule njalo uhlelo lwayo lokuphuma ijumo isiyabhalisa abantu abazavota kukhetho oluzayo.
Baphinde basola ikhomishini le besithi ayiqhubi kuhle amalungiselelo okhetho.
Sixoxe lomsekeli wesikhulumeli seCCC uMnu Gift Ostallos Siziba, yena othi ngempela abasakhulayo kumele bayevota ngobunengi ukuze bakhethe uhulumende oqasungula imisebenzi njalo avuselele umnotho.