Amapholisa ogatsha lwe FBI afike emuzini woyenguMongameli weleMelika, uMnu. Donald Trump ecwayisisa ngodaba lokuthi wadabula ngabomu walahla amaphepha aqakathekileyo.
Umthetho weleMelika awuvumeli ukuthi uMongameli alahle amaphepha omsebenzi mahlayana.
UTrump izolo ebusuku wethule umbiko ecothoza amapholisa esithi bekungadingakali ukuthi bazecwayisisa emuzini wakhe ngoba abameli bakhe bekhuluma labo.
Akwazakali ukuthi kutholakaleni.
Kolunye udaba, inhlanganiso ezilwela ilungelo loluntu sezisole ukuhlaselwa kwendawo eduze lestitshi samandla e Nuclear kwele Ukraine. Lezinhlanganiso zithi lesi sititshi singahlaselwa kulakho ukudala ingozi umhlaba wonke jikelele.
Kodwa amabutho akwele Russia alandule ukuthi yiwo ahlesele indawo le esethesa icala amabutho akwele Ukraine.
Sixoxe lengcwethi ecubungula ezombusazwe, uMnu. Zenzo Nkomo saqala ngokumbuza ukuthi impi yele Ukraine uyibona njani?