amalinks wokungena

Breaking News

Igqwetha LikaMarry Mubaiwa, uBeatrice Mtetwa, Uthi Uzaqhubeka Elwisa Ukuthi Ayekwelatshwa Phandle Kwelizwe


UNkosazana Marry Mubaiwa
UNkosazana Marry Mubaiwa

Imfanekiso eseblunjeni itshengisa isandla sika Mubaiwa esokudla sesidleke inyama okokuthi ithambo selikhanya lenzipho sezixathuka, iminwe ivuvukile.

Igqwetha elimela uNkosazana Marry Mubaiwa owayengunkosikazi kaMongameli welizwe, uMnu. Constantino Chiwenga, uNkosazana Beatrice Mthethwa, uthi uzaqhubeka ngemizamo yokuthi uMubaiwa aphiwe incwadi eyokuyakwelatshwa phandle kwelizwe.

UMtetwa wahlengezela inyembezi ngolwesihlanu elwedluleyo eHarare, ngemva kokuba umthethwandadba wethule incwadi yokuthi uMubaiwa abotshwa ngoba ehluleke ukungena emthethwandaba.

UMubaiwa wayekhona emthethwandaba kodwa ngenxa yokugula wayengenelisi ukuqansa ama stairs ukuthi ayethoniswa.

Odokotela bathi nxa engadinganga ukwelatshwa phandle kwelizwe kuzamele aqunywe isandla sakhe esesibhibhidlayo esesidlekile ngomkhuhlane osuhlasela lenyawo zakhe.

Imfanekiso eseblunjeni itshengisa isandla sika Mubaiwa esokudla sesidleke inyama okokuthi ithambo selikhanya lenzipho sezixathuka, iminwe ivuvukile.

UMubaiwa wetheswa icala lokuzama ukubulala uChiwenga kodwa yena uyalilandula lelicala.

Abanye bathi uChiwenga, osethethe uMiniyothabo Baloyi, njengoba engumphathintambo wezempilakalhe ngabe uyadelisa inhliziyo amxolele unina wabantwa bakhe, uMubaiwa ukuze ayekwelatsha phandle kwelizwe kodwa yena ukhanya engafuni.

UNkosazana Mthethwa uthi isinqumo sokuthi uMubaiwa abotshelwe icala lokungayanga enkantola yena ebekhona samdabula inhliziyo kakhulukazi. UGaynor Gumede-saidi owe Studio 7 uxoxe lo Mtethwa ukuze sizwe okunengi ngaloludaba.

please wait

No media source currently available

0:00 0:03:16 0:00

XS
SM
MD
LG