Umphathintambo obona ngobudlelwano beZimbabwe lamanye amazwe uMnu Frederick Shava usexwayise izizalwane zakuleli ezihlala kweleSouth Africa ukuthi zihloniphe imithetho yakulelo lizwe.
UShava wethule amazwi la esePretoria izolo ngemva komhlangano awenze losowabo weleSouth Africa uNkosikazi Naledi Pandor.
Amazwi kaShava aza ngesikhathi izizalwane zeZimbabwe ezinengi zibhekane lokuxotshwa kweleSouth Africa ziphindiselwa ekhaya ngoba ama-permits azo ezaphelelwa yisikhathi ngoMpalakazi.
UMnu Shava utshele umsakazo weSABC ukuthi udaba lwamaphepha lolu soludale ukungahlaliseki okukhulu kuzizalwane zeZimbabwe ezilakho ukubotshwa zibuyiselwe emakhaya njengoba amaphepha azo esephelelwa yisikhathi.
Sixoxe lesikhulumeli senhlanganiso emela izizalwane zeZimbabwe eSouth Africa, iZimbabwe Community in South Africa uMnu Bongani Mkhwananzi.
