Umtshutshisi welizwe leMelika, uMnu. Merrick Garland, uthi ugatsha lwakhe solucele umthethwandaba ukuthi uveze okwatholakala emuzini kaMnu. Donald Trump ngamapholisa e FBI ngoLwesibili.
Imbiko ethulwe zinhlanganiso zezindaba izolo ebusuku zithi amaphepha atholakale emzini ka Trump ngaphathelane lemfihlo yezikhali zenuclear.
Iziphathamandla zebandla lama Republicans bezikhonona ngokwenzakalayo emzini ka Trump, eMar-a-Largo, zisithi kumele uhulumende echasise ngoba kubonakala njengathi utrump uyahlukuluzwa.
Kodwa ugarland uthe ugatsha lwezomthetho kunye lamapholisa e-FBI abasekeli hlangothi njalo abakwenzayo kusemthethweni.
Ngokunjalo, uGarland uthe bazacela umthethwandaba ukuthi uveze kusasa ubufazakazi obabangela ukuthi bayeguduza indlu ka Trump njalo lokuthi amapholisa atholani.
Kodwa amagqwetha ka Trump abikwa esenza imizamo yokwenqabela ukuvezwa kwalobubufakazi ngumthethwandaba.
Ukhlaziya loludaba sixoxe locubungula ezombusazwe, uMnu. Raphael Mthombeni.
