amalinks wokungena

Breaking News

UMnangagwa Ucatshulwa Liqiniso Alitshelwe Ngumabhalane Kahulumende Othi Abasebenza Labo Babangela Ukugugudeka Komnotho


UMongameli Emmerson Mnangagwa

UMnu. George Guvamatanga, umabhalane wohlangothi lukahulumende olubona ngokusetshinziswa kwemali yelizwe, uthi umnotho welizwe ubhidlizwa ngabadlelana lahulumende.

UGuvamatanga wethule umbiko lo emhlanganweni omkhulu oweZImbabwe Economic Development Conference, osanda kugqitshwa eVictoria Falls.

UMsakazo weSouth African Broadcasting Corporation uthaphe amazwi kaGuvamatanga othe abasebenzelana lohulumende badlala ngentengo yempahla etshiyeneyo okwenza umnotho welizwe ugugudeke okumangalisayo.

UMongameli Emmerson, obesemhlanganweni lo uzonde okumangalisayo esizwa amazwi kaGuvamatanga.

Umsakazo weSABC uthaphe amazwi kaMnangagwa esithi kukwele China nga uGuvamatanga sebemsusele amanqe ngokumdubula.

UMnangagwa uthe kwele Zimbabwe uphikisana lesigwebo sokulengisa abantu. Loba kunjalo kumele kudingwe ezinye indlela zokujezisa uGuvamatanga. Ingcwethi kwezenotho, uMNu. Rejoice Ngwenya, uthi akumelanga uMnangagwa ethusele uGuvamatanga obekhuluma iqiniso.

Umnotho welizwe udonsa nzima ngenxa yokugugudeka kwesisindo sedola lelizwe.

Facebook Forum

XS
SM
MD
LG