amalinks wokungena

Breaking News

UWilliam Ruto Okwamanje Ukhokhela uRaila Odinga Kukhetho Lukamongameli Kwele Kenya


UMnu. William Ruto ngesikhathi ekhankasela ukuvotelwa nguzulu eNyayo Stadium, Nairobi, Kenya, Aug. 6, 2022.
UMnu. William Ruto ngesikhathi ekhankasela ukuvotelwa nguzulu eNyayo Stadium, Nairobi, Kenya, Aug. 6, 2022.

Abantu kwele Kenya lokhu bemelele impumela yokhetho olwenziwe ngoLwesibili.

Okwamanje, uMnu. William Ruto, obengumsekeli kamongameli, ukhokhela uMnu. Raila Odinga ngamavoti ayingcosana.

Abezindaba abeReuters babika ukuba okwazakali okuzakwenzakala kukhetho lolu ngoba kukhanya zindala zombili.

UMnu. Odinga ukhokhela umanyano wamabandla aphikisayo.

Kubikwa ukuba abantu abanengi abavotanga kukhetho lolu.

Kuzakwenziwa olunye njalo ukhetho lukamongameli ababili laba bangaba ngutshiki lobhanqa.

Ikhomishini ebona ngezokhetho ikhangelelwe ukuba izakwethula impumela yokhetho lolu kungakedluli umhlaka 16 Ncwabakazi.

Kulabanye abakumanyano okhokhelwa nguOdinga abantu kukhanya engani ikhomishini yeIndependent Electoral and Bounderies Commission kungani ayisaqhubi kahle ukubalwa kwamavoti.

Kodwa ikhomishini la ithi kungamanga aluhlaza tshoko lokhu.

XS
SM
MD
LG