amalinks wokungena

Breaking News

Amapholisa Athatha Imota Zabalandeli beCCC eMasvingo Ngemva Komhlangano ka Chamisa


Abalandeli bebandla le CCC eMasvingo.

Ekuseni umbuthano ungakaqali imizamo yamapholisa eyokuvimba abantu ukuthi baye enkundleni ye Mucheke Stadium yehlule kwaya abantu abanengi kakhulu kulumhlangano abafohle igusu baquma ngenyawo.

Isikhulumeli sebandla le CCC, uNkosazana Fadzayi Mahere, wethule umbiko othi imota ezimbalwa ezibuye labasekeli bebandala bevela emadolobheni atshiyeneye zisiya eMasvingo lapho kade kulombuthano webandla leli izolo zithethwe ngamapholisa abantu basala bethwelenzima ukuthi basebenziseni.

Ekuseni umbuthano ungakaqali imizamo yamapholisa eyokuvimba abantu ukuthi baye enkundleni ye Mucheke Stadium yehlule kwaya abantu abanengi kakhulu kulumhlangano abafohle igusu baquma ngenyawo.

Lumbuthano ubungowokubonga uzulu weMasvingo ngokuvotela ibandla le ccc kukhetho lwama by elections olwedluleyo.

Umkhokheli walelibandla, uMnu. Nelson Chamisa, nguye obekhokhela lumbuthano.

Owake wakhokhela icele leMDC-T, uNkosazana Thokozani Khupe laye ubekhona embuthanweni lo.

UChamisa ubonge uzulu weMasvingo waphatha indaba ezitshiyeneyo kunye lokulandula ukuthi untombazana owasa udaba lokudlwengulwa ngumongameli Emmerson Mnangagwa, uSusan Mutami uyamazi kulandela ukuphuma komfanekiso emi laye.

Sixoxe lomsekeli wesikhulumeli sebandla le CCC uMnu. Gift Ostallos Siziba.

please wait

No media source currently available

0:00 0:01:28 0:00

Kunjalo nje, abanye bathi ngendlela abantu abagcwala ngayo embuthanweni webandla le CCC kutshengisa ukuba lalkho ukunqoba ibandla le Zanu PF kukhetho oluzayo.

Imihlangano phose yonke ekhokhelwa ngu Chamisa igcwala phamu.

Kodwa ingcwethi ecubungula ezombusazwe, uMnu. Greater Vodloza Sibanda uthi amanani abantu abaya embuthanweni webandla le CCC akutshengisi ukuthi yibo bonke abazavota.

please wait

No media source currently available

0:00 0:03:38 0:00

Facebook Forum

XS
SM
MD
LG