amalinks wokungena

Breaking News

Udaba Lwepulazi leSidakeni; Umthethwandaba Kamantshi Uthi Ubungazi Isinqumo Esathathwa yiSupreme Court Ngalelipulazi


Siphosami Malunga ese Esidakeni Farm. (Courtesy Photo)

Lokhu kuvezwe ligwetha elimela abathathu laba uMnu. Josphat Tshuma.

Umantshi emthethwandaba weTsholotsho ubikwa ubengelalwazi lokuthi idale le high court lele supreme court lanquma ukuthi isiphathamandla sebandla elZANU PF uMnu. Obert Mpofu aphume ephele epulazini leEsidakeni Farm alibangisana labalimi abathathu ngakho yikho okuzacutshungulwa ekuqaleni kwenyanga ezayo sebephindela enkantolo.

Lokhu kuvezwe ligqwetha elimela abathathu laba uMnu. Josphat Tshuma. Abalimi laba babalisa oMnu. Siphosami Malunga, Zephaniah Dlamini, lo Charles Moyo abakhululwe ngemali yesibambiso eye bail kucala abaletheswayo elokusebenzisa leli ipulazi lingayisilo labo.

UMnu. Obert Mpofu utshele iStudio 7 izolo ukuthi ipulazi leli lilokhe lingelakhe njalo kasuki kulo.

Uthe isinqumo somthethwandaba salethwa ngokuthiwa ngesiNgisi yi ‘spoilation order” okwakukhomba ukuthi akulandelwanga ngemfanelo imniningwane ethile, kungatsho ukuthi ipulazi aliso lakhe.

Kodwa uthe kasoze achasise okunengi ngaloludaba ngoba lulokhe lusemthethwandaba.

Ukuze sizwe okunengi ngaloludaba, uSithandekile Mhlanga weStudio 7 uxoxe loMnu. Tshuma yena oqala ngokuchasisa nge “spoilation order.”

please wait

No media source currently available

0:00 0:05:00 0:00

Facebook Forum

XS
SM
MD
LG