amalinks wokungena

Breaking News

Ilunga leZanu PF uJustice Mayor Wadyajena Umiswe Enkantolo Phezu Kwecala Lokwebiwa kweUS$5 Million


Zimbabwe Magistrates Court

WASHINGTON DC - Umeli weGokwe-Nembudziya edale lephalamende njalo elilunga leZanu PF uMnu Justice Mayor Wadyajena umiswe emthethwandaba ngoLwesithathu labanye abane besetheswa icala lenkohlakalo elithinta izigidi zamadola eMelika ezinhlanu, US$5 million.

UWadjajena uzalala evalelwe esitokisini labanye abotshwe labo yiZimbabwe Anti-Corruption Commission ngoLwesibili, ababalisa iziphathamandla zenkampani yeCottco uPius Manamike, Maxmore Njanji, loFortune Molai lomqondisi wePierpont Moncroix uChiedza Danha.

Igqwetha abasolwa, uMnu Harrison Nkomo, ucele ukuthi bakhululwe ngemali yesibambiso i-bail, kodwa abatshitshisi bakwalile lokhu besithi abasolwa balakho ukubaleka elizweni bengakhululwa.

Umantshi uStanford Mbanje uthe uzakwethula isinqumo sakhe phezu kodaba lwe-bail ngoLwesine.

Ukuhlaziya loludaba sixoxe lengcwethi kwezombusazwe, uMnu Effie Dlela Ncube, yena othe uhulumende kumele eqinise umkhankaso wakhe wokulwisana lenkohlakalo.

please wait

No media source currently available

0:00 0:02:35 0:00

Kusenjalo, amagqwetha eziphathamandla zeCCC esezilenyanga ezimbili zivalelwe ejele, aselobele iziphathamandla zogatsha lwamajele ekhonona ngokungaphathwa kuhle kwabasolwa, uMnu Job Sikhala loMnu Godfrey Sithole, bona ababotshwe ndawonye lamalunga alelibandla alitshumi lantathu besetheswa icala lokuphehla udlakela.

Facebook Forum

XS
SM
MD
LG