amalinks wokungena

Breaking News

CCC: Amagqwetha Adabuka Kwamanye Amazwe Adingelwe uSikhala Labanye Ngawokuncedisana Abasebenza Okwamanje Amacala Ababhekane Lawo


UMnu. Job Sikhala

Ibandla eliphikisayo eleCitizens for Coalition Change (CCC) lithi amagqwetha avela phandle kwelizwe aweAmsterdam & Partners kawanxuswanga ngoba besola umsebenzi owenziwa ngamagqwetha aseZimbabwe ekumeleni emthethwandaba amalunga alelibandla asevalelwe okwesikhathi eside engamiswanga phambi komthethwandaba.

Amalunga la agoqela uMnu. Job Sikhala, uMnu. Godfrey Sithole labanye.

Umsekeli wesikhulumeli sebandla leCCC, uMnu. Gift Ostallos Siziba, uthe, “Senze ipress conference sikhuluma ngendaba yokuhlukumezwa kwama activist ethu lamalunga edale lephalamende, uJob Sikhala loGodfrey Sithole. Kulento ke ebikhulunywa ngabantu besithi ke, oSikhala bathole ama-lawye. Hayi! Ama-lawyer esilawo yithi esingezelele ama-lawyer njenge CCC, ukuze sincedise abakhona ukubana bethole impumela engcono emadale.”

ICCC ithi amagqwetha avela phandle kwelizwe alanda ukuzoncedisa ukudinga indlela zokukhulumisana labomthetho ukuze kuncandwe isisombululo esizakhokhelela ekuthini batholiswe imvumo abantu laba yokuhlawulela imali yesibambiso, eyebail njalo bengahlali entilongweni okwesikhathi eside behlukunyezwa kodwa bathonisiswe amacala abo bevela ngekhaya.

Lokhu kujonge njalo ukuthi amanye amazwe abelolwazi ngokwenzakalayo eZimbabwe ngokuphathelane lemithethwandaba edabeni lokulondolozwa kwamalungelo ezibotshwa.

“Abangeleyo abangaphandle kwelizwe, ngabancedisa esithi yona yiregional, international lobbying, njengabangane bethu thins esisebenzelana labo ngaphandle kwamazwe. So bangele ukubana bancedise in terms of lobbying, ngenxayokubana silokuthemba ukubana kufanele ukba lepressure afakwayo kunhlangothi zonke.”

UMnu. Siziba wengeze wathi, “Sikhulumile kupress conference yethu njalo ukubana impumela zamacourt ziyaveza ukubana ke, oSikhala, they were not let down yinhlanganiso, they were let down by the system, ngenxa yokubana ijudiciary yiyo efanele ibanike amalungelo ukubana baphiwe ibail.”

USiziba uphinde wathi kufanele kubelomthetho owodwa elizweni laseZimbabwe, hatshi emibili, oweZanu lowelizwe lonke jikelele.

Uthe lokhu kuyinto okumele wonke umuntu akulwise.

Facebook Forum

XS
SM
MD
LG