amalinks wokungena

Breaking News

Inengi Lisola uMnu. Ziyambi Othe Abenza Amacala ngeGukurahundi Abasoze Bajeziswe Ngoba Baxolelwa nguMugabe ngeUnity Accord Bathola iAmnesty


UMnu. Ziyambi Ziyambi

Inengi lisola amazwi kamphathintambo kahulumende obona ngezemithetho uMnu. Ziyambi Ziyambi yena othi ababikwa babulala abantu ngesikhathi seGukurahundi abasoze bejeziswe ngoba uhulumende kamuyi uMnu. Robert Mugabe wabaxolela ngokubanikeza i “amnesty” ngesiNgisi lapho kusayinelwana isivumelwano se Unity Accord ngomnyaka ka 1987.

UMnu. Ziyambi ukhulume amazwi la eseGeneva eSwitzerland ngoLwesithathu emhlanganweni wekhomithi yomanyano wamazwe omhlaba eye United Nations owokuqeda inkethabetshabi, owe UN Committee on the Elimination of Racial Discrimination.

Ubebuzwe ngaloludaba ngelinye Ilunga lalikhomithi uGay McDogall othe abathintekayo balokhe behlukumezekile njalo akukachasiswa ngabadala amacala la.

UMnu. Tshinga Dube, owayengumphathintambo kahulumende obona ngamalungelo abalwa impi yenkululeko njalo owaye kuviyo leZIPRA, elilunga ledale lePolitburo yeZANU PF njalo owangena kulelibandla ngemva kwe unity accord, uthi kavumelani loMnu. Ziyambi Ziyambi.

Uthi udaba lolu lulungiswa yinhlanganiso ye National Peace and Reconciliation Commission kanye lomongameli Emmerson Mnangagwa olokhe eqhuba imihlangano lenduna zeMatabeleland. UMnu. Dube uqhubeke wathi babengaxolelwa njani kungelamuntu owaxolisayo, njalo uMnu. Ziyambi uvala isenzo esibi ngokuthi athi laye wathinteka kuloludaba.

please wait

No media source currently available

0:00 0:03:15 0:00

UMnu. Mbuso Fuzwayo, isiphathamandla senhlanganiso yeIbhetshu likazulu, elwela amalungelo abantu abathinteka ngesikhathi seGukurahundi uthi uyawasola amazwi kaMnu. Ziyambi ngoba ebonisa ukuthi uhulumende kazimiselanga ukulungisa loludaba. Wengeze wathi akulazinqumo ezicacileyo eziphuma emhlanganweni ehluza okuphathelane leGukurahundi. Kodwa uthi linyathelo elihle elithethwe ngemazwe omhlaba ukuthi ecubungule loludaba.

please wait

No media source currently available

0:00 0:01:05 0:00

UMnu. Kucaca Phulu, ingcwethi ecubungula ezomthetho, njalo eyisiphathamandla sebandla leCitizens Coalition for Change uthi kufanele kube lomthetho olawula ukusebenza kweNational Peace and Reconciliation Commission ukwenzela ukuthi iqhube umsebenzi wayo ngemfanelo, ibe "victim-centered." "Abantu kufanele bevotele ibandla elingela gazi labantu ezandleni elizalungisa udaba lweGukurahundi ngoba okukhulunywe nguMnu. Ziyambi yiwo umbono kahulumende," kugqiba uMnu. Phulu.

please wait

No media source currently available

0:00 0:02:31 0:00

Facebook Forum

XS
SM
MD
LG