Udaba lokukhwezwa kwemali yokuncintisa kukhetho oluzayo lokhu lusegudwini abebandla le CCC besithi kumele yehliswe limbadalo ngoba inengi kakhulu.
Ikhomisheni ye ZEC ithi abafuna ukuncintisa ukuba ngumongameli kuzamele bakhokhe amadola elemelika angamtashumi amabili, US$20 000 ngamunye.
Abafuna ukuba ngamalunga edale lephalamende sokuzamele bahlawule amadalo eMelika ayinkulungwane eyodwa, US$1 000 kuthi okhansila lama senetha bona bazabhadala amadola emelika alikhulu, US $100.
Ke sizwe umsekeli wesikhulumeli sebandla le CCC, uMnu. Felix Magalela Mafa Sibanda.
Lokhu sikudaba lunye, kukhetho olwedluleyo kwaba labangamatshumi amabili lantathu abancintisa ukuba ngumongameli welizwe.
Abanye bathi iphepha lokuvotela, iballot paper, lalimanikiniki ngenxa yokuminyana kwabancintisayo.
Abanye, abafana loSenetha Khaliphani Phugeni bathi ukukhwezwa kwembadalo le kulungile ngoba kuzakwenza bengabi banengi abancintisayo.