amalinks wokungena

Breaking News

Ibandla leEFF Lithi Kumele uPhophi Ramathupa Othuke Isigulane Asuswe Esikhundleni


UNkosikazi Phophi Ramathupha (Video Screen Shot)

Ibandla leEconomic Freedon Fighters (EFF), ekhokhelwa nguMnu. Julius Malema, lithi kumele amiswe umsebenzi uNkosikazi Phophi Ramathuba, ophume kumabonakude ethuka isigulane esidabuka eZimbabwe esibhedlela seBela Bela eLimpopo kwele South Africa.

Ibandla leEFF lethule umbiko namuhla lisithi uNkosikazi Ramathuba wenze ihlazo ngokuthuka isigulane esingavezwanga igama laso.

Ibandla leli lithi uMongameli Cyril Ramaphosa kumele athathe amanyathelo ngesiphangiphangi asuse uNkosikazi Ramathuba esikhundleni.

URamathuba ulilunga leExecutive Council elibona ngezempilakahle esabelweni seLimpopo.

Ibandla leEFF lithi okwethulwe nguNkosikazi Ramathupa kulakho ukwenza abadabuka kwele South Africa behlasele abantu bokuza.

Lithi uNkosikazi Ramathupa wephule isifungo sokuba ngudokotela ngokuthuka umuntu ogulayo.

UNkosikazi Ramathupha utshele umsakazo wakwele South Africa ukuthi wethule amazwi la ngoba abantu abanengi bathwele nzima kwele South Africa.

Walile ukuphendula umbuzo othi yindaba eleSouth Africa lingabikeni uhulumende kaRamaphosa ngokuthi sebekhathele ngabantu abadabuka eZimbabwe.

URamaphosa uthule zwi ngodaba lolu.

UNkosazana Khethiwe Bhebhe, odabuka eZimbabwe ohlala kwele Botswana, uyakusekela okwethulwe nguNkosikazi Ramathupa.

Kodwa uMnu. Mbuso Mhlanga, odabuka eZimbabwe ohlala kwele South Africa, uthi uNkosikazi Ramathupa wenze okungekho emthethweni.

UMhlanga uthi akwethulele isigulane kuveza ukuba uhulumende kaRRamaphosa kasabafuni abadabuka eZimbabwe kwele South Africa.

Facebook Forum

XS
SM
MD
LG