amalinks wokungena

Breaking News

Ibandla leCCC Lilobela Umanyano weSADC Incwadi Likhalaza Ngokuqhela Kodlakela Lwezombusazwe


Imota yomsekeli webandla le CCC eyatshaywa ngabacatshangelwa ukuthi ngabasekeli be Zanu PF eWedza esigabeni se Mashonaland East.

EGokwe Kabuyuni, esigabeni se Midlands, lapho okulokhetho lwe by election yokudinga ilunga ledale lephalamende ekuqaleni kwenyanga, umgcinisihlalo webandla le CCC eMatabeleland North, uMnu. Prince Dubeko Sibanda ubikwa ehlaselwe ngabasekeli beZanu PF abatshaye imota yakhe ngamatshe.

Udlakela lwezombusazwe lubikwa soluqhamuke endaweni ezitshiyeneyo zelizwe osekudala umbuzo othi pho kusiyafika ukhetho ngomnyaka ozayo kuzakuba sekunjani?

Lokhu sokubangele ukuthi ibandla le CCC lilobele umanyano we SADC likhalaza ngaloludubo.

Izolo khona kube lezehlakalo ezimbalwa ezodlakela olubikwa lubangelwe ngabasekeli be Zanu PF.

Umkhokheli webandla le CCC, uMnu. Nelson Chamisa labalandeli bakhe babikwa behlaselwe eUzumba Marambapfungwe lapho okuhlala kunqoba ibandla lezanu PF kukhetho ngamanani awesabekayo.

Loludlakela lubikwa luqhubeke eWedza esigabeni se Mashonaland East.

Kulemota zabalandeli be CCC ezibikwa zitshaywe zabulawela amafasiteli kwalimala abalandeli bebandla ambambalwa.

Asenelisanga ukuzwa ukuthi bakhona ababotshiweyo lanxa konke lokhu kusenzakala kubikwa amapholisa abekhona.

EGokwe Kabuyuni, esigabeni se Midlands, lapho okulokhetho lwe by election yokudinga ilunga ledale lephalamende ekuqaleni kwenyanga, umgcinisihlalo webandla le CCC eMatabeleland North, uMnu. Prince Dubeko Sibanda ubikwa ehlaselwe ngabasekeli beZanu PF abatshaye imota yakhe ngamatshe.

Ukuze sizwe okunengi ngaloludaba sixoxe lomsekeli wesikhlumeli sebandla le CCC, uMnu. Felix Magalela Mafa Sibanda.

please wait

No media source currently available

0:00 0:03:14 0:00

Facebook Forum

XS
SM
MD
LG