Abenhlanganiso ezizimeleyo kanye labalwela amalungelo oluntu bathi basekela imizamo yenhlanganiso yeZimbabwe Lawyers for Human Rights eyokuphisa ukukhutshulwa kwemali ezabhadalwa ngabafuna ukuncintisa kukhetho luka2023.
Ikhomishini ebona ngokuqhutshwa kokhetho, iZimbabwe Electoral Commission, ikhweze imali ezabhadalalwa ngabancintisa kukhetho lukaMongameli isuka kunkulungwane eyodwa yamadola eMelika, US$1,000, yaya kunkulungwane ezingamatshumi amabili, US$20,000.
Abafuna ukuba ngamalunga ephalamende bazabhadala inkulungwane eyodwa, US$1,000.
Limali ikhwele isuka kumatshumi amahlanu amadola, US$50. IZimbabwe Lawyers for Human Rights ithi izaphikisa lokhu emthethwandaba imele oseke wancintisa kukhetho lukaMongameli uMnu Egypt Dzinemunhendzva, umeli weHarare North uMnu Rasty Markham kanye lolwela amalungelo kazulu uMnu Tapiwanashe Chiriga.
Sixoxe lobona ngokuqhutshwa kwenhlelo zenhlanganiso yeChristian Alliance uMnu Nqobizitha Dinga.
