amalinks wokungena

Breaking News

Uhulumende Umisa Ukubhadala Abamthengisela Impahla Etshiyeneyo


Uhulumende ukhala ngabamthengisela impahla etshiyeneyo abadlaladlala ngemali yomkambo wensitha

Abohlangothi lwezemali kahulumende i-Treasuary bathi sebemise umsebenzi wokuhlawula amankampani athengisela ingatsha zikahulumende impahla etshiyeneyo ngaphambilini kokuthola leyo mpahla besithi yikho okubangela ukukhula komkambo omnyama wemali.

Lokhu bathi kukholela ekuthini abathengisa leyo mpahla bangazihluphi ukuphanga ukuyisa kungatsha zikahulumende loba ukungayisi njengoba iyabe isihlawulelwe.

Lokhu kuvezwe ngunobhala wogatsha lwezemali lokuthuthukiswa komnotho, uMnu. George Guvamatanga, ekhuluma phambi kwekomiti yedale lephalamende ebona ngokulondolozwa kwemali eyePublic Accounts Committee.

UGuvamatanga uveze njalo ukuba bathethe leli nyathelo ngemva kokuba sebenanzelele ukuthi imali ebehlawuliswa uhulumende iphezulu okwedlulise amalawulo.

Uthi abenza lokhu inengi labo ngabalamawotela.

“Esikudingayo yikuba uhulumende wonke nje angaze amukela lezintengo eziphezulu kakhulu ezinikezwa ngabathengisa impahla. Abamawotela yibona abalecala elikhulu. Kunje, ukuhlalisa ilunga ledale lePhalamende ewoteleni sisebenzisa imali yakwele Melika ukuhlawulela, imali yakhona ifika kubo US$400, US$500 ngelanga, ma sisebenzisa intengo kahulumende yokuntshintsha imali.”

Ingcwethi ecubungula ezomnotho, uMnu. Masimba Kuchera, uthi uyakusekela okwenziwe nguhulumende.

“Kuliqiniso sibili ukuthi imali ebezivela kuhulumende, yizo ezazisetshenziswa ukuthi abantu, ama-suppliers bathenge imali yangaphandle kwelizwe, besebenzisa i-black market. Kodwa ngokubona kwami angiboni kuliqiniso elijulileyo ukuthi yikho okwakwenze ukuthi ama-suppliers engahambisi izinto kuhulumende, yona leyo kumele kube yi-due diligence.”

Kasenelisanga ukukhuluma lbakunhlanganiso yabalamawotela eyeHospitality Association of Zimbabwe labanye abathengisela uhulumende impahla etshiyeneyo.

Facebook Forum

XS
SM
MD
LG