Amalunga ebandla leEconomic Freedom Fighters (EFF) enelisile ngoLwesine ukuvulela abakwamanye amazwe ukuthi bangene ekilinika yeHilbrow ngemva kokwenqatshelwa kwabo ngamalunga eOperation Dudula.
Afike engasadlanga nkotshana amalunga ebandla leEconomic Freedom Fighters ezovulela abakwamanye amazwe ukuthi bangene eHilbrow clinic nxa befuna ukwelatshwa.
Umgcinisihlalo webandla leEFF eJohannesburg, uMnu. Aviwe Mdaniso, usole kakhulu ukwenqatshelwa kwabakwamanye amazwe ukungena kulesi sibhedlela wathi yinto abangasoke bayivumele isenzeka.
“Apa eSouth Africa kunama polisa, kunabantu bakwaHome Affairs abaqashelwe lonto ukuba they must come and check into ezinjalo,
Kodwake labe Operation Dudula bafike besidla amalahle besithi akekho owelinye ilizwe ozavunyelwa ukungena kuleyo kilinika. So, akwazeki ukuthi kuthathwe loba ngubani osetsradweni kuthiwe mkeze azokwenza lento because lomuntu akaqashelwanga lento futhi akakwazi ukwenza lento leyo. So thina siyinhlangano yeEFF sithi izibhedlela zonke mazivuleke.”
Umgcinisihlalo wenhlanganiso yeOperation Dudula eJohannesburg, uMnu. Sipiwe Shabangu, uthe uthe abalandaba loba umuntu ulencwadi esemthethweni emvumela ukuba kwele South Africa kumbe hatshi, abasafuni kuminywa ngabantu bokuza ezibhedlela zona esezithwele nzima ngokwandelwa ngabantu.
“Ama health facilities ethu aya ezingeni eliphansi ngenxa yabantu bokufika abangena kule country ngokungemthetho, bathathe amaphilisi ethu bayewathengisa emacountrini wabo not ukuthi bayagula njengoba bela.”
Esibhedlela seKalafong ePrfetoria amalunga eFFF lawe Operation Dudula qabambane ngezandla kubangwa abantu bokuza. Isizalwane seZimbabwe, uMnu. Emmanuel Gift Banda, utshele iStudio 7 ukuthi njengezizalwane zeZimbabwe bakhathazeke kakhulu ngokwenqatshelwa ukungena ezibhedlela lezondo okukhanya ibhekiswe kuzizalwane zakwamanye amazwe.
“Bekungamelanga ukuthi sicine sifika kulesi sigaba ngoba ileadership yethu across iSADC, iAU kade sekumele ukuthi aluba kudala seyakulungisa konke lokhu.”
UMpthathintambo wogatsha lwezempilakahle, uMnu. Joe Phahla, wethekelele isibhedlekla seKalafong wathi uhulumende akavumelani ngitsho lakancane ngokuphazanyiswa kwenhlelo zezibhedlela.
Ukwenqatshelwa kwezizalwane zakwamanye amazwe ukungena ezibhedlela lokhu kuqale ngemva kwenkulumo yokhokhela ezempilakahle esabelweni le Limpopo, uNkosikazi Phophi Ramathuba, ophume kubomabona kude ekhahlameza isigulane esidabuka eZimbabwe ebesizodinga ukwelatsha kwele South Africa.