amalinks wokungena

Breaking News

Ibhetshu LikaZulu: Siyawamukela Amazwi eUnited Nations Phezu Kodaba lweGukurahundi


Zimbabwe National Army

WASHINGTON DC - Inhlanganiso yeIbhetshu LikaZulu ithi yamukele ngenjabulo amazwi eUnited Nations awokuthi uhulumende weZimbabwe kumele alungisise udaba lweGukurahundi ukuze kuqedwe ukufuthelana okulokhe kukhona elizweni.

Ukufuthelana lokhu kutholakala ikakhulu eMidlands laseMatabeleland lapho uhulumende kaRobert Mugabe athumela khona ibutho leFifth Brigade layabulala abantu abazinkulungwane ezingamatshumi amabili, 20,000.

Ikomidi yeUnited Nations ebona ngokulwisana lobandlululo eyeCommittee on Elimination of Racial Discrimination yethule umbiko kumaviki amabili edluleyo isithi ikhathazekile kakhulu ngokuhlukuluzwa kwabantu ngamapholisa nxa bethe babuthana bekhulumisana ngaloludaba kumbe bekhumbula ababulawayo.

Likomidi ithe uhulumende kumele avumele ugatsha lwePeace and Reconciliation Commission ukuthi luqhuba inhlelo zokukhimisana umlotha eziveza iqiniso ngalesisiga. Sixoxe lomqondisi weIbhetshu LikaZulu uMnu Mbuso Fuzwayo.

please wait

No media source currently available

0:00 0:02:34 0:00

Umphathintambo obona ngokwethulwa kwemibiko uNkosikazi Monica Mutsvangwa ubengabambeki ecingweni.

Kodwa uMongameli Emmerson Mnangagwa uthi uhulumende wakhe uphakathi kokululungisisa udaba lweGukurahundi esebenza lenkokheli yosiko ezigabeni zombili.

Facebook Forum

XS
SM
MD
LG