Indlovukazi yakwele Bhilithane, uQueen Elizabeth II, kasekho.
Isigodlo sendlovukazi sithe uQueen Elizabeth ubhubhele endlini yakhe yokuphumula eBalmoral Castle eScotland. Ubeseleminyaka yokuzalwa engamatshumi ayisificamunwemunye lasithupha – 96.
Izihlobo zakhe ezinengi esezifikile eBalmoral Castle zigoqela indodana yakhe uPrince Charles, lomkakhe uCamilla, lodadewabo uPrincess Anne.
Abakhangelelwe ukuba bazafika kuleyondawo namuhla ngabazukulu bakhe uPrince William loPrince Harry, abazalwa nguPrince Charles lomuyi uPrincess Diana.
Kusanda kuthakazelelwe iminyaka engamatshumi ayisikhombisa – 70 - indlovukazi yakwele Bhilithane yagcotshwa. Akwaziwa ukuba indlovukazi ilesifo bani.
Wake waba lesifo seCOVID-19 nyakenye. Umkakhe, uPrince Phillip, wabhubha nyakenye.