Umkhokheli webandla eliphikisayo eleCitizens Coalition for Change (CCC), uMnu. Nelson Chamisa, ucele ibandla le African National Congress (ANC), kanye lamanye amabandla awezombusazwe aweNingizimu yeAfrica, ukuthi bancede ibandla leCCC kanye lezizalwane zeZimbabwe ukuguqula imithetho yokhetho, abayithi isekela uhlangothi lwebandla le Zanu PF njalo ilenkethabetshabi.
Ukuze sizwe okunengi ngaloludaba uGaynor Gumede we Studio 7 uxoxe lomsekeli kasomlomo webandla leCCC uMnu. Gift Ostallos Siziba.
Njengoba iStudio Seven ingasekeli hlangothi uGanor uphinde waxoxa loMnu. Joseph Tshuma, omunye wamalunga eCentral Committee yebandla leZANU-Pf, ongavumelani lokutshiwo libandla leCCC.